Ընդհանուր տեղեկություն
ԱՄՆ Խաղաղության Կորպուսը ստեղծվել է 1961 թ–ին՝ աշխարհում խաղաղություն ամրապնդելու նպատակով։ ԱՄՆ–ի քաղաքացիները անկախ տարիքից և էթնիկական խմբից, ընտրվում են իրենց փորձի և կրթության հիման վրա՝ 2 տարի որպես Խաղաղության կորպուսի կամավոր ծառայելու նպատակով։ Խաղաղության կորպուսը գործում է աշխարհի 77 երկրներում։
ԱՄՆ–ի կառավարությունը Հայաստանի կառավարության հետ միատեղ 1992 թ–ին համաձայնություն է կնքել՝ ստեղծել Խաղաղության կորպուս Հայաստանում։ Սկսած այդ ժամանակից 700 ամերիկյան ԽԿ–ի կամավոր ծառայել են Հայաստանի տարբեր քաղաքներում և գյուղերում։ Ներկայումս 99 կամավոր աշխատում է հայ գործըկերների և կազմակերպությունների հետ՝ բարելավելու անգլերենի ուսուցումը և համայնքի և բիզնեսի զարգացումը։ Կամավորների և նրանց հայ գործընկերների միջև անձնական և աշխատանքային հարաբերությունները Հայաստանում ԽԿ–ի հաջողության բանալին են հանդիսանում։
ԽԿ–ի նպատակները
- մասնագիտական օգնություն ցուցաբերել հյուրընկալող երկրին։
- օգնել հյուրընկալող երկրի ժողովրդին ավելի լավ հասկանալ ամերիկյան ժողովրդին։
- օգնել ամերիկյան ժողովրդին ավելի լավ հասկանալ հյուրընկալող ժողովրդին։
Համայնքի և բիզնեսի զարգացման ծրագիր
ՀԲԶ ծրագիրը ձևավորվել է ի պատասխան Հայաստանի կառավարության խնդրանքի՝ ազատ շուկայի անցման պրոցեսում արդյունավետ մասնակցելու համար։
Ծրագիրն իրականցնող աշխատանքներ
- Բիզնեսի վերաբերյալ դասընթացներում աջակցություն։
- Կազմակերպությունների զարգացման և անձնակազմի նախապատրաստման աջակցություն ։
- Դասընթացների կազմակերպում գործազուրկ մարդկանց համար, բիզնեսի խորհրդատվություն և ծրագրերի զարգացում։
- Կապի հաստատում այլ նման միջազգային կազմակերպությունների հետ:
- Աջակցություն համայնքի անդամներին նոր ծրագրերի իրականացման գործընթացում։
- Խորհրդատվություն տեղական բիզնես կենտրոններին։
- Տեղական բիզնես կենտրոններին բիզնես պլան կազմելու, մարկետինգի և կապ հաստատելու աջակցություն։
- Հասարակական կազմակերպությունների անդամներին անձնական և մասնագիտական աճման մեջ աջակցություն՝ ՀԿ–ի ծառայությունների արդյունավետությունը բարձրացնելու նպատակով։
Համայնքների կարիքների ուսումնասիրություն և ծրագրերի ձևավորման և զարգացման գործընթացում աջակցություն։
Անգլերեն լեզվի ուսուցման ծրագիր
Անգլերենի ուսուցման ծրագրի նպատակն է նպաստել
Հայաստանի ինտեգրացմանը միջազգային հանրության մեջ՝ բարելավելով անգլերենի դասավանդման որակը և այլ կրթական հնարավորություններ Հայաստանում։
Ծրագիրն իրականցնող աշխատանքներ
- Ապահովել որակյալ անգլերեն լեզվի մատուցում ուսանողներին՝ դասարանային սարքավորումների, անգլերեն լեզվի ակումբների և հավելյալ կրթական հնարավորությունների միջոցով։
- Կամավորների հետ համագործակցության արդյունքում՝ կատարելագործել անգլերեն լեզու դասավանդողների լեզվական կարողություններն ու դասավանդման մեթոդները։
- Աշխատել միասնականորեն ճանաչելու, հասկանալու, զարգացնելու և միավորելու կրթական ծրագրերը՝ ձեռք բերելով անհրաժեշտ գիտելիքներ ու հմտություններ։
- Միավորել մշտապես հուզող թեմաները և տալ ծրագրին հիմնված մոտեցում՝ իրենց դասավանդման մեջ ներառելով միջոցառումներ ուսումնական պլանից դուրս։
- Իրականացնել բազմաբնույթ համայնքային զարգացման ծրագրեր և միջոցառումներ՝ համագործակցելով համայնքային կազմակերպությունների հետ։
